تبریز بلدیه رئیسی، مدنیت و اجتماعی اساسلارین گوجلَنمهسینین لازیم اولدوغونو دئیه رک، سون دؤرد آیدا تبریزده اجرا اولونموش مدنیت طرح لرینی دَیرلَندیریدی.
ارتباط خبر – یعقوب هوشیار، شهرین مختلف منطقهلرینین مدنیت مدیرلری ایله بیر جلسه ده، فجر بایرامی و تهراندا کئچیریلن تبریزین مدنیت هفتهسی کیمی و میلّی بایراملارا تای مناسبتلرده داها گوجلو و مؤثّر ایشتیراک ائتمک اوچون گلجک اوچ آی اوچون منسجم و هدفلی طرح لر حاضیرلاماغین ضرورتینی دئدی.
شهریار سایتینین خبرینه گوره، یعقوب هوشیار مدنیت و اجتماعی مسئلهلره دقت ائتمهنین ضرورتینی وورغولادیب، دئدی: تبریزین گلهجَیی عائلهلرین گوجلَنمهسی و معنوی فضا و منسجم مدنیت طرح لرین اجرا اولونماسینا باغلیدیر.
او علاوه ائتدی: عائله کیمی اجتماعی قوروم لار گوجلَنسه، اجتماعی مسئله لردن قورونا بیلریک.
هوشیار جامعهده اجتماعی و مدنیت مسئله لرین آرتماسینا داییر خبردارلیق وئردی و بو ساحهده بلدیه نین باخیشینین دَییشدیریلمهسی ضرورتینی وورغولاییب، دئدی: حیاتیمین ان پیس گونو بیر جوانین اؤزونو اولدورمهسی خبرینی ائشیتدییم گوندور!
او علاوه ائتدی: مدنیت و اجتماعی مسئلهلره دقت ائتمهمک جبران ائدیلمهز نتیجهلره سبب اولار.
تبریز بلدیه رئیسی، عینی حالدا مدنیت ساحهسینده بلدیه نین جهت لندیرمه سینین دَییشدیریلمهسی ضرورتین وورغولاییب، دئدی: عائلهلرین ایچینده معنوی و دینی بوشلوغون اولماسی ایله اجتماعی مسئله لر آرتاجاق.
📤 اشتراکگذاری: